# Regula 44.595

Benedict, Regula, Chapter 44. Latin.

Canonical: https://interlinea.aeterna-institute.org/library/latin/benedict/regula/44.595
JSON: https://interlinea.aeterna-institute.org/api/v1/library/latin/benedict/regula/44.595

Regula Magistri (Cap. 13): « Qui vero frater gravem culpam admiserit, ipse ab utroque excommunicetur, id est ab oratorio et a mensa; et non ipse ad indulgentiam majoris perveniat, nisi ante limen oratorii prostratus lacrymabili voce intervallo cessantium a psalmis horarum Deo et omnibus emendatione satisfecerit repromissa. » Denique Regula Cujusdam ad virgines (Cap. 6): « Sorores quae pro gravibus culpis in poenitentia detinentur, in ecclesia cum caeteris quae communicant, non stent; sed in alia ecclesia secrete cursum cantent. Et expleto cursu egredientes ante lores ecclesiae, in qua communicantes cursum explent, stare praecipiantur. Et egrediente congregatione, supra humum prostratae, rogent pro se Dominum exorari.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
