# Regula 50.5

Benedict, Regula, Chapter 50. Latin.

Canonical: https://interlinea.aeterna-institute.org/library/latin/benedict/regula/50.5
JSON: https://interlinea.aeterna-institute.org/api/v1/library/latin/benedict/regula/50.5

Cum tremore divino.] Sive, ut habet Regula SS. Pauli et Stephani (Cap. 12): « Cum disciplina et timore Dei, consona voce, non prout unusquisque operis excusatione aut occupatione voluer t obrute. » Idque non singulatim, sed omnes insimul duos in choros divisi ex constitutione Benedicti papae XII, cujus haec verba (Cap. 27): « Qui ad chorum vel ad ecclesiam accedere nequiverint, praedicationi, lectioni, studio, seu administrationibus, vel officiis suis, aut piis seu licitis operibus de licentia illius ad q… ea de re pertinuerit, occupati in alio loro congruo et honesto, debitis hor s juxta possibilitatem plures simul conveniant, et debite dicant divinum officium, et quotidianum pensum exsolvant debitae servitutis. » Atque ita etiam in itinere constituti observabant, ut patet ex Fausto in Vita S. Mauri num. 30 (Saec. i Ben.), ubi sanctus vir « matutinos hymnos cum ali… ejusdem habitus viris, » hoc est cum fra ribus una cum eo in Gallias directis, celebrasse legitur, idque in basilica illius loci in quo diverterant.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
