# Regula 52.1

Benedict, Regula, Chapter 52. Latin.

Canonical: https://interlinea.aeterna-institute.org/library/latin/benedict/regula/52.1
JSON: https://interlinea.aeterna-institute.org/api/v1/library/latin/benedict/regula/52.1

De oratorio monasterii. Oratorium a hoc sit quod dicitur, nec ibi quidquam aliud geratur aut b condatur. Expleto opere Dei, omnes cum summo silentio exeant, et agatur c reverentia Deo: ut frater qui forte sibi peculiariter vult orare, non impediatur alterius improbitate. d Sed si alter vult sibi forte secretius orare, simpliciter intret et oret; non in clamosa voce, sed in lacrymis, et intentione cordis. Ergo qui simile opus non facit, non permittatur expleto e opere Dei remorari f in oratorio, sicut dictum est, ne alius impedimentum patiatur.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
