Latin
56.725.78 to 56.725.102
Benedict, Regula 56.725.78-102
Unproofread scanNot analysed yet
Deinde S. Benedictus, Regulae cap. 38 agens de lectore mensae, statuit ut non praesumat ibi quisquam de ipsa lectione aut aliunde quidquam requirere, ne detur occasio maligno, nisi forte prior voluerit pro aedificatione aliquid breviter dicere; ubi prior pro abbate usurpatur. Verum si abbas nunquam reficiat in conventu fratrum (debet enim reficere eum hospitibus, qui nunquam desunt monasterio, et si defuerint in ejus manet potestate quos vult de fratribus vocare, qui cum ipso reficiant), frustra permittitur ei in refectorio de lectione aliquid dicere, ut pote qui nunquam ibi cum fratribus manducaturus sit. Ut vim hujus argumenti eludat Haeftenus, respondet nomine prioris hic intelligi quemcunque superiorem, sive abbas sit, sive prior, sive subprior, qui conventuali mensae praesideat. Sed prioris nomen in omnibus Regulae locis, ubi singulariter et absolute, non respective ponitur, abbatem significare merito contendit Menardus noster (Menard. in Conc. Regul. ,cap. 47, §1), et ipse Haeftenus (Haeft. lib. iii, tract. 6, disq. 2) alibi fatetur prioris vocem in Regula pro abbate saepius usurpari, ut cap. 6, 7, 13, 40, 53: quidni etiam in isto de quo agitur loco? Certe antiquiores monachi ideo maxime nolebant abbatem a communi fratrum mensa abesse, ut posset eis post eibum aedificationis verba proferre, et spiritali sermone eos imbuere, ut habet supra citata Regula SS. Patrum; refectione enim transacta, spiritalis apud eos collatio agitabatur, ut probat idem Haeftenus lib. x, tract. 5, disq. 4, quod S. Benedictum neglexisse non est prorsus qui credat, multo minus qui existimet eum voluisse aut permi…isse ut abbas vices …nas in exhortationibus faciendis alteri committeret, oum nusquam pius valeant exhortationes quam in ere abbatis et superioris. Adde quod Regula Magistri (Cap. 24), quae hoc statutum a S. Benedicto mutuavit, clare et distincte praescribit, ut de singulis mensis quos voluerit fratres quid lectum est abbas interroget;