Latin
61.800.65 to 61.800.76
Benedict, Regula 61.800.65-76
Unproofread scanNot analysed yet
63, sub finem: «De hospitibus monachis ita in Francia agitur. Si est familiaris monachus, in dormitorio monachorum dormit, et in claustra cum aliis monachis legit, et in refectorio manducat, et mane et ad seram ad capitulum venit fratrum. Si iste talis videt negligentiam, debet admonere ut emendetur. Si vero novus hospes fuerit, tantum ad capitulum venit fratrum, causa aedificationis ex lectionis traditione, et ducitur in refectorium fratrum ad manducandam: dormire vero foris debet in dormitorio hospitum monachorum. Nam prima vice cum venit iste novus, ducit eum prior per tota officina monasterii dicens: Frater, ubi negligentiam forte vidisti, charitatis amore deprecamur ut dicas, quatenus emendemus. »Si vero postea voluerit stabilitatem suam firmare, non renuatur talis voluntas.] Ad quem licum Smaragdus: «Quomodo firmet stabilitatem suam, sive in corde tantum, sive in corde simul et verbo, hic a…erte non dicit; sed ut datur intelligi, sicut ille novitius promittit de stabilitate sua coram Deo et sanctis ejus, ut si aliquando aliter fecerit, ab eo se damnandum sciat quem irridet: ita et iste, quamvis non promittat, quia jam promis um habet, firmet tamen stabilitatem suam corde, similiter et verbo coram Deo, et sanctis ejus, et idoneis testibus, ne mereatur accipere damnationem pro multa sua et illicita vagatione. »Formulam autem confirmandae stabilitatis habemus apud Hildemarum his verbis conceptam: «Ego N. veniens de longinquis provinciis in hoc monasterium, quia placuit mihi conversatio fratrum istius loci, et illis placuit mea conversatio; ideo stabilitatem meam in hoc monasterio per hanc scripturam manu mea scriptam perpetuum confirmo. »Addit Hildemarus: «Si autem nescierit litteras, debet rogare alium qui scribat, et debet dicere inferius: Manu mea pro majore firmitate subscrip…am. Hoc vero notandum, quia non debet nominare monasterium unde fuit.