# Regula 7.197.44-63

Benedict, Regula, 7.197.44 to 7.197.63. Latin.

Canonical: https://interlinea.aeterna-institute.org/library/latin/benedict/regula/7.197.44
JSON: https://interlinea.aeterna-institute.org/api/v1/library/latin/benedict/regula/7.197.44

lii), aliqua hora aspiciat Deus, et parcendo nobis in hoc tempore, quia pius est, et exspectat y nos converti in melius, ne dicat nobis in futuro: Haec fecisti z, et tacui (Psal. xlix). Secundus humilitatis gradus est, si propriam quis non amans voluntatem, desideria sua non delectetur implere: sed vocem illam Domini factis imitetur, dicentis: Non veni facere voluntatem meam, sed ejus qui misit me (Joan, vi). Item dicit Scriptura: Voluntas a habet poenam, et necessitas parit coronam. Tertius humilitatis gradus est, ut quis pro Dei amore, omni obedientia se subdat majori, imitans Dominum, de quo dicit Apostolus: Factus est b obediens usque ad mortem (Phil. ii). Quartus humilitatis gradus est, si in ipsa obedientia duris et contrariis rebus, vel etiam quibuslibet irrogatis injuriis, tacita conscientia patientiam amplectatur c: et sustinens, non lassescat vel discedat, dicente Scriptura: Qui perseveraverit usque in finem, hic salvus erit (Matth, xxiv). Item, Confortetur cor tuum, et sustine Dominum (Psal, xxvi). Et ostendens fidelem d pro Domino universa etiam contraria sustinere debere, dicit ex persona etiam sufferentium: Propter te morte tota die afficimur: aestimati sumus ut oves occisionis (Psal. xliii). Et securi de spe retributionis divinae, subsequuntur gaudentes, et dicentes: Sed in his omnibus superamus, propter eum qui dilexit nos (Rom. viii). Et item alio loco Scriptura: Probasti nos, inquit, Deus; igne nos examinasti, sicut igne e examinatur argentum; induxisti nos in laqueum; posuisti tribulationes in dorso nostro (Psal. lxv). Et ut ostendat sub priore debere nos esse, subsequitur, dicens: Imposuisti homines super capita nostra. Sed et praeceptum Domini in adversis et in injuriis, per patientiam adimplentes, qui percussi in maxillam f, praebent et aliam; auferenti tunicam, dimittunt et pallium (Matth.

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
