# Regula 73.12

Benedict, Regula, Chapter 73. Latin.

Canonical: https://interlinea.aeterna-institute.org/library/latin/benedict/regula/73.12
JSON: https://interlinea.aeterna-institute.org/api/v1/library/latin/benedict/regula/73.12

Quisquis ergo ad patriam coelestem festinas.] Recte festinas, neque enim lento gradu illuc pervenitur. Hanc minimam inchoationis Regulam descriptam adjuvante Christo perfice.] Hic enim probe usurpare possumus illud Orsiesii de Patre Pachomio: « Traditiones Patris nostri scalam putemus ad coelorum regna tendentem: » unde et S. Paldo abbas, ut fratres in ea quam arripuerant paupertate firmaret, dicere solitus erat (In ejus Vita, num. 3, saec. iii Bened.): « Credite mihi, fratres, quia monachus ille qui in hoc monasterio persistens usque ad finem permanserit, anima ejus aeterna supplicia nequaquam sustinebit, sed vitam aeternam possidebit. »

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
