Latin
8.27.34 to 8.27.55
Benedict, Regula 8.27.34-55
Unproofread scanNot analysed yet
»Idem Petrus D…- miani hanc suis legem praescripserat (Opusc. 15, cap. 17): «Post nocturnum officium repetere accubitum omnino non licet; unde nos, ut haec regularis observantia posset facilius custodiri, hoc instituimus, ut quotidie signum primitus ad vigilias sonet; deinde expleto ex more Psalterio, vel quantum ratio temporis considerata permittit, sonante iterum signo, nocturnale peragatur officium, ut juxta diluculum, quo videlicet tempore gravius incumbit acedia, stantes nos et canonicis inveniat occupatos officiis. »Statuta Lanfranci (Cap. 1 §1 )decernunt, ut post nocturnas vigilias fratres in choro sedeant, infantes in capitulo cum suis magistris cantum addiscant, atque interim prior, accensa lucerna, videat tum omnes ordinate sedeant, omniaque monasterii membra perlustrans, si quem dormientem re…eriat, excitatum signo reverti in chorum praecipiat. Eadem pene disciplina vigebat apud Cluniacenses, quorum antiquae Consuetudines apud Udalricum praescribunt (Lib. i, cap. 41), ut privatis diebus, si nullae sint octavae, postquam semel surrexerint, ad lectos non redeant; deinde factae interrogationi quandiu duraret ipsum int…rvallum? respondetur sic temperari, ut per illud prior claustralis omnes monasterii officinas percurrere possit; tum ut fratres de ecclesia B. Mariae simul exeuntes, postquam corporeis naturae necessitalibus, si qui indigeant, providerint, in chorum revertantur; ubi caput cooperti sedeant; ibique quidquid voluerint aut potuerint faciant: nihil enim tunc temporis fratribus agendum praescribitur. Poterant autem si vellent surgere, altaria circuire, et ibi peculiariter orare. Ubi merito corrigas Haeftenum, qui ex eo quod conqueritur Petrus Venerabilis quod multa adhuc nocte in hymnis laudum cantetur: Aurora lucis rutilat: Aurora jam spargit polum, et similia; existimat jam olim Cluniacenses intervallum illud non servasse. Non enim queritur Petrus Venerabilis quod nullum servaretur intervallum; sed quod auroram usque non extenderetur. Ait autem Udalricus fuisse aliquando cum intentius oraret, aliquando psalmos ruminaret, aliquando somno oppressus, vellet nollet, dormitaret;