# Regula 8.32.1-15

Benedict, Regula, 8.32.1 to 8.32.15. Latin.

Canonical: https://interlinea.aeterna-institute.org/library/latin/benedict/regula/8.32.1
JSON: https://interlinea.aeterna-institute.org/api/v1/library/latin/benedict/regula/8.32.1

Sed cum eae rationes et causae, propter quas somno post vigilias interdixere Patres nostri, adversus eum qui post laudes capi posset, militare constet; aequaliter utroque tempore prohibitum esse asserendum est. Et sane cum matutinae laudes ad solam auroram celebrari debeant, nec minus hora dimidiata absolvi queant, tam breve a finitis laudibus ad primam (quae orto iam sole incipitur) spatium intercedit, ut vix dormiendi locum repertas. Quapropter S. Benedictus abbas Anianensis (In ejus Vita, n., 52) « tempore siquidem aestatis post expletum matutinorum officium, mox egredi ab ecclesia propter somnolentiam jussit, seseque calceantes lotis faciebus ad ecclesiam concite redeant, ei juxta praefatum ordinem (Quem scilicet ante vigilias instituerat, cap. 31) altaria cum reverentia circumeant, sanctisquese aquis perfundant, et sic deinceps ad loca constituta accedant, diurnum expleturi honeste officium. » In capitulis etiam monachorum Sangallensium anno 817 editis praescribitur (Cap. 31), « ut intervallum post matutinos, et ante primam hiemis vel aestatis tempore eo proteletur spatio, quo se fratres apte parare et convenienter orando al…aria circuire possint, ut clara luce vel orto sole, exeuntes a prima, vel lectioni vacent, vel injunctam sibi obedientiam subeant. » In antiquo ordine conversationis monasticae, ut « ex hac matutina laude summum et praecipuum fiat silentium in orando et legendo. » Concordia Dunstani, cap. 2, a calendis Octobris ad Pascha matutinis landibus ad lucis crepusculum persolvendis primam sine ullo vacuo intervallo subjicit; et cap. 5 decernit, ut a Pascha tota aestate, finitis matutinis, « egredientes ecclesia fratres calcent se, lavent, peraetisque in ecclesia tribus orationibus, sedentes in claustro vacent lectioni usque dum primae signum auditum fuerit: » quamvis, si hondum dies illuxerit, de licentia prioris lectum repetere permittat. Statuta etiam Lanfranci a calendis Novembris ad Pascha matutinis laudibus et subsequentibus SS. commemorationibus primam subjiciunt, sic ut clarescente die omnia finiantur;

---

Benedict, Regula, ed. J.-P. Migne. Text: Open Greek and Latin, Patrologia Latina (University of Leipzig), CC BY-SA 4.0. Changes: notes, column numbers and editors' prefaces removed, line-end hyphens joined and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/OpenGreekAndLatin/patrologia_latina-dev/blob/8c651f859f821f0868755596f1a513946ca25350/data/tmp1085/tmp1085/tmp1085.tmp1085.opp-lat1.xml.
