Latin
Chapter 8
Benedict, Regula 8.4
Unproofread scanNot analysed yet
Usque ad Pascha.] «Pascha, inquit Hildemarus, antiquitus Ecclesia quarta decima luna celebrabat, quocunque die occurreret; quem ritum SS. Patres in Nicaena synodo prohibuerunt, constituentes non solum lunam paschalem et mensem inquirere, sed etiam et diem Resurrectionis dominicae observare, etc. »Hic locus si in rigore sumatur, foede allucinatur Hildemarus in eo quod ait, quarta decima luna, quacunque accidisset die, antiquam Ecclesiam celebrasse Pascha. Et quidem in ipsis Ecclesi e nascentis primordiis, Judaeis ad fidem conversis priscum quarta decima luna Martii Pascha celebrandi morem sequi permissum est; at ob honorem dominicae Resurrectionis subsequente quartam decimam Martii lunam dominica semper in Ecclesia paschalis festivitas celebrata est. Certe ante concilium Nicaenum illud in Arelatensi can. 1 decretum fuerat, ut eodem die, hoc est dominica, per universum orbem Pascha: Domini festum celebraretur; id quod longe antea Victor papa, coacto Romae concilio, mandaverat sub poena excommunicationis, reclamantibus licet Asianis, maxime Policrate Ephesino episcopo. Quod decretum de celebrand Pascha die dominico in concilio Antiocheno anno 341, can. 1, instauratum, plurimas in Hiberma turbas, quae saeculis secutis contigerant ea de causa, minime prohibuit, de quibus…oraefation. ad Saec. iii Bened. ,parte i.