Latin
prologus.16.1 to prologus.16.17
Benedict, Regula prologus.16.1-17
Unproofread scanNot analysed yet
Et quaerens Dominus in multitudine populi, cui haec clamat, operarium suum.] Hic commendat S. P. Benedictus insigne vocationis monasticae beneficium, de quo tria praesertim his verbis insinuat: 1° quod ipse Dominus nos viles servos servosque peccati vocare et quaerere dignetur, et quaerens Dominus; 2° quod nos tot ac tantis, nobis forte melioribus hac in causa praetulerit, in multitudine populi; 3° idque ut in tanti patrifamilias operemur vinea, et ei serviamus cui servire regnare est, operarium suum. Porro tribus nos potissimum modis piissimus Dominus quaerere ac vocare solet, quos Cassianus exprimit his verbis (Collat. 3, cap. 4): «Primus ex Deo est, secundus per hominem, tertius ex necessitate. Ex Deo quidem est quoties inspiratio quaedam immissa in cor nostrum nonnunquam etiam dormientes nos ad desiderium vitae aeternae et salutis exsuscitat, Deumque sequi, et ejus inhaerere praeceptis compunctione saluberrima cohortatur. Secundus vocationis modus est, quem fieri per hominem diximus, cum vel exemplis quorumdam sanctorum, vel monitis instigati, ad desiderium salutis accendimur. Tertius vocationis modus est, qui ex necessitate descendit, cum divitiis mundi hujus, vel voluptatibus obligati, ingruentibus repente tentationibus, quae vel mortis pericula comminantur, vel amissione bonorum, ac proscriptione percutiunt, vel charorum morte compungunt, ad Dominum, quem sequi in rerum prosperitate contempsimus, saltem inviti properare compellimur. »Quocunque nos modo Deus vocet, magna sane est vocantis dignatio; at nihil prorsus ita commendat vocationis monastica: gratiam, ac illud quod insinuat S. Benedictus his verbis: In multitudine populi operarium suum. Operarium suum inquit in singulari, quasi nos, non tanquam paucos ex paucis, sed velut unum ex tota populi mult tu…ine, quae totum terrarum orbem replet, elegerit: cujus quidem beneficii magnitudinem contemplans Petrus Damiani sic exclamat (Opusc. 52, cap. 2): «Cum vos omnipotens Deus mundo subtraxit, ac sub monastica sibi disciplina servire constituit, quid aliud fecisse cernitur, quam velut olim in cataclysmo de multis pereuntibus vos paucos elegit, ac in bituminatae arcae latibulum ut viveretis induxit?