# Psalmorum Liber 12

Biblia Sacra, Psalmorum Liber, Poem 12. Latin.

Canonical: https://interlinea.aeterna-institute.org/library/latin/biblia-sacra/psalmorum-liber/12

in finem psalmus David usquequo Domine oblivisceris me in finem usquequo avertis faciem tuam a me
quamdiu ponam consilia in anima mea dolorem in corde meo per diem
usquequo exaltabitur inimicus meus super me
respice exaudi me Domine Deus meus inlumina oculos meos ne umquam obdormiam in mortem
nequando dicat inimicus meus praevalui adversus eum qui tribulant me exultabunt si motus fuero
ego autem in misericordia tua speravi exultabit cor meum in salutari tuo cantabo Domino qui bona tribuit mihi et psallam nomini Domini altissimi

---

Biblia Sacra, Psalmorum Liber. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/bible/psalms.shtml.