Latin
Poem 128
Biblia Sacra, Psalmorum Liber 128
Not analysed yet
canticum graduum saepe expugnaverunt me a iuventute mea dicat nunc Israhel
saepe expugnaverunt me a iuventute mea etenim non potuerunt mihi
supra dorsum meum fabricabantur peccatores prolongaverunt iniquitatem suam
Dominus iustus concidet cervices peccatorum
confundantur et convertantur retrorsum omnes qui oderunt Sion
fiant sicut faenum tectorum quod priusquam evellatur exaruit
de quo non implevit manum suam qui metit et sinum suum qui manipulos colligit
et non dixerunt qui praeteribant benedictio Domini super vos benediximus vobis in nomine Domini