# Psalmorum Liber 136

Biblia Sacra, Psalmorum Liber, Poem 136. Latin.

Canonical: https://interlinea.aeterna-institute.org/library/latin/biblia-sacra/psalmorum-liber/136

David Hieremiae super flumina Babylonis illic sedimus et flevimus cum recordaremur Sion
in salicibus in medio eius suspendimus organa nostra
quia illic interrogaverunt nos qui captivos duxerunt nos verba cantionum et qui abduxerunt nos hymnum cantate nobis de canticis Sion
quomodo cantabimus canticum Domini in terra aliena
si oblitus fuero tui Hierusalem oblivioni detur dextera mea
adhereat lingua mea faucibus meis si non meminero tui si non praeposuero Hierusalem in principio laetitiae meae
memor esto Domine filiorum Edom diem Hierusalem qui dicunt exinanite exinanite usque ad fundamentum in ea
filia Babylonis misera beatus qui retribuet tibi retributionem tuam quam retribuisti nobis
beatus qui tenebit et adlidet parvulos tuos ad petram

---

Biblia Sacra, Psalmorum Liber. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/bible/psalms.shtml.