Latin · ~3 min
Poem 52
Biblia Sacra, Psalmorum Liber 52
Not analysed yet
in finem pro Melech intellegentiae David dixit insipiens in corde suo non est Deus
corrupti sunt et abominabiles facti sunt in iniquitatibus non est qui faciat bonum
Deus de caelo prospexit in filios hominum ut videat si est intellegens aut; requirens Deum
omnes declinaverunt simul inutiles facti sunt non est qui faciat bonum non est usque ad unum
nonne scient omnes; qui operantur iniquitatem qui devorant plebem meam ut cibum panis
Deum non invocaverunt illic trepidabunt timore ubi non fuit timor quoniam Deus dissipavit ossa eorum qui hominibus placent confusi sunt quoniam Deus sprevit eos
quis dabit ex Sion salutare Israhel dum convertit Deus captivitatem plebis suae exultabit Iacob et laetabitur Israhel