Latin · ~2 min
Poem 92
Biblia Sacra, Psalmorum Liber 92
Not analysed yet
laus cantici David in die ante sabbatum quando inhabitata est terra Dominus regnavit decore indutus est indutus est Dominus fortitudine et praecinxit se etenim firmavit orbem terrae qui non commovebitur
parata sedis tua ex tunc a saeculo tu es
elevaverunt flumina Domine elevaverunt flumina vocem suam *elevabunt flumina fluctus suos;
a vocibus aquarum multarum mirabiles elationes maris mirabilis in altis Dominus
testimonia tua credibilia facta sunt nimis domum tuam decet sanctitudo Domine in longitudine dierum