Latin · ~1 min
Book 1
Boethius, De consolatione philosophiae 1.P3
Not analysed yet
Tunc me discussa liquerunt nocte tenebrae
Luminibusque prior rediit uigor,
Vt, cum praecipiti glomerantur sidera Coro
Nimbosisque polus stetit imbribus.
Sol latet ac nondum caelo uenientibus astris,
Desuper in terram nox funditur;
Hanc si Threicio Boreas emissus ab antro
Verberet et clausam reseret diem,
Emicat ac subito uibratus lumine Phoebus
Mirantes oculos radiis ferit.