Latin
Book 2
Boethius, De consolatione philosophiae 2.M1
Not analysed yet
Haec cum superba uerterit uices dextra
Et aestuantis more fertur Euripi,
Dudum tremendos saeua proterit reges
Humilemque uicti subleuat fallax uultum.
Non illa miseros audit aut curat fletus
Vltroque gemitus dura quos fecit ridet.
Sic illa ludit, sic suas probat uires
Magnumque suis demonstrat 1 ostentum, si quis
Visatur una stratus ac felix hora.