Latin · ~1 min
Poem 110
Catullus, Carmina 110
Not analysed yet
Aufilena, bonae semper laudantur amicae:
accipiunt pretium quod facere instituunt.
tu, quod promisti mihi, quod mentita, inimica es;
quod nec das et fers saepe, facts facinus.
aut facere ingenuae est, aut non promisse pudicae,
Aufilena, fuit: sed data corripere
fraudando †efficit plus quam meretricis avarae,
quae sese toto corpore prostituit.