urn:cts:latinLit:phi0474.phi053.perseus-lat3, Book 2

Quem enim tu Marium visum a me putas? Speciem, credo, eius et imaginem, ut Democrito videtur. Unde profectam imaginem? a corporibus enim solidis et a certis figuris vult fluere imagines; quod igitur Marii corpus erat? Ex eo, inquit, quod fuerat. Ista igitur me imago Marii in campum Atinatem persequebatur? —Plena sunt imaginum omnia; nulla enim species cogitari potest nisi pulsu imaginum.