Latin
urn:cts:latinLit:phi0474.phi043.perseus-lat2, Book 1fr, lines 1-6
Cicero, De Republica 1-6
Not analysed yet
nec doctíssimis. †Manium Persium haec légere nolo, Iúnium Congúm volo.
Sic, quoniam plura beneficia continet patria et est antiquior parens quam is, qui creavit, maior ei profecto quam parenti debetur gratia.
Nec tantum Karthago habuisset opum sescentos fere annos sine consiliis et disciplina.
Cognoscere mehercule, inquit, consuetudinem istam et studium sermonis.
Profecto omnis istorum disputatio, quamquam uberrimos fontes virtutis et scientiae continet, tamen collata cum eorum actis perfectisque rebus vereor ne non tantum videatur attulisse negotii hominibus, quantam oblectationem.
A qua isti avocabant.