urn:cts:latinLit:phi0474.phi043.perseus-lat2, Book 4

Atque ipsa mens ea, quae futura videt, praeterita meminit. Etenim, si nemo est quin emori malit quam converti in aliquam figuram bestiae, quamvis hominis mentem sit habiturus, quanto est miserius in hominis figura animo esse efferato! Mihi quidem tanto videtur, quanto praestabilior est animus corpore. se non putare idem esse arietis et P. Africani bonum. eademque obiectu suo umbram noctemque efficiat cum ad numerum dierum aptam, tum ad laborum quietem. Cumque autumno terra se ad concipiendas fruges patefecerit, hieme ad †concipiendas relaxarit, aestiva maturitate alia mitigaverit, alia torruerit. cum adhibent in pecuda pastores.