urn:cts:latinLit:phi0474.phi056.perseus-lat2, Book 10, Letter 23

Laterensis nostri et fidem et animum singularem in re p. semper fatebor; sed certe nimia eius indulgentia in Lepidum ad haec pericula perspicienda fecit eum minus sagacem. qui quidem cum in fraudem se deductum videret, manus, quas iustius in Lepidi perniciem armasset, sibi adferre conatus est; in quo casu tamen interpellatus et adhuc vivit et dicitur victurus; sed tamen de hoc parum mihi certum est.