urn:cts:latinLit:phi0474.phi056.perseus-lat2, Book 10, Letter 30

Hirtius in ea castra redit, unde Pansa exierat, ubi duas legiones reliquerat, quae ab Antonio erant oppugnatae. sic partem maiorem suarum copiarum Antonius amisit veteranarum; nec id tamen sine aliqua iactura cohortium praetoriarum nostrarum et legionis Martiae fieri potuit. Aquilae duae, signa Lx sunt relata Antoni; res bene gesta est. A. d. xvii K. Mai. ex castris.