urn:cts:latinLit:phi0474.phi056.perseus-lat2, Book 10, Letter 35

S. v. liberique vestri v. b. e. e. q. v. deos hominesque testor, p. c. ,qua mente et quo animo semper in rem p. fuerim et quam nihil antiquius communi salute ac libertate iudicarim; quod vobis brevi probassem, nisi mihi fortuna proprium consilium extorsisset. nam exercitus cunctus consuetudinem suam in civibus conservandis communique pace seditione facta retinuit meque tantae multitudinis civium Romanorum salutis atque incolumitatis causam suscipere, ut vere dicam, coegit.