urn:cts:latinLit:phi0474.phi056.perseus-lat2, Book 11, Letter 6

Cum tribuni pl. edixissent senatus adesset a. d. xiii K. Ian. ,haberentque in animo de praesidio consulum designatorum referre, quamquam statueram in senatum ante K. Ian. non venire, tamen, cum eo die ipso edictum tuum propositum esset, nefas esse duxi aut ita haberi senatum ut de tuis divinis in rem p. meritis sileretur (quod factum esset, nisi ego venissem), aut etiam, si quid de te honorifice diceretur, me non adesse. itaque in senatum veni mane.