urn:cts:latinLit:phi0474.phi056.perseus-lat2, Book 3, Letter 8

liberalitas tua ut hominis nobilissimi latius in provincia patuit; nostra si angustior est (etsi de tua prolixa beneficaque natura limavit aliquid posterior annus propter quandam tristitiam temporum), non debent mirari homines, cum et natura semper ad largiendum ex alieno fuerim restrictior et temporibus, quibus alii moventur, isdem ego movear, med esse acerbum sibi, uti sim dulcis mihi.