urn:cts:latinLit:phi0474.phi037.perseus-lat2, Book 2

Qua re, nisi quid vobis aliud placet, ad illa pergamus. Paulum inquit Catulus etiam nunc deesse videtur eis rebus, Antoni, quas exposuisti, quod sit tibi ante explicandum, quam illuc proficiscare, quo te dicis intendere. Quidnam? inquit. Qui ordo tibi placeat inquit Catulus et quae dispositio argumentorum, in qua tu mihi semper deus videri soles.