urn:cts:latinLit:phi0474.phi037.perseus-lat2, Book 3

Ego vero, inquit Crassus ac doleo quidem illos viros in eam fraudem in re publica esse delapsos; quamquam ea tela texitur et ea in civitate ratio vivendi posteritati ostenditur, ut eorum civium, quos nostri patres non tulerunt, iam similis habere cupiamus. Mitte, obsecro, inquit Crasse, Iulius sermonem istum et te ad Gracchi fistulam refer; cuius ego nondum plane rationem intellego.