urn:cts:latinLit:phi0474.phi037.perseus-lat2, Book 3

Verum, si placet, quoniam haec satis spero vobis quidem certe maioribus molesta et putida videri, ad reliqua aliquanto odiosiora pergamus. Atqui vides inquit Antonius quam alias res agamus ,qui adduci possimus— de me enim conicio—relictis ut rebus omnibus te sectemur; ita de horridis rebus nitida, de ieiunis plena, de pervulgatis nova quaedam est oratio tua.