# Paradoxa Stoicorum 6.51

Cicero, Paradoxa Stoicorum, urn:cts:latinLit:phi0474.phi047.perseus-lat2, Book 6. Latin.

Canonical: https://interlinea.aeterna-institute.org/library/latin/cicero/paradoxa-stoicorum/6.51

non esse cupidum pecunia est, non esse emacem vectigal est: contentum vero suis rebus esse maximae sunt certissimaeque divitiae. etenim si isti callidi rerum aestimatores prata et areas quasdam magno aestimant, quod ei generi possessionum minime quasi noceri potest, quanti est aestimanda virtus, quae nec eripi nec subripi potest, neque naufragio neque incendio amittitur, nec tempestatum nec temporum perturbatione mutatur!

---

Cicero, Paradoxa Stoicorum, ed. Johann Georg Baiter, Carl Ludwig Kayser. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi0474/phi047/phi0474.phi047.perseus-lat2.xml.