# de bello Gildonico 1.519-526

Claudian, de bello Gildonico, Lines 1.519-1.526. Latin.

Canonical: https://interlinea.aeterna-institute.org/library/latin/claudian/de-bello-gildonico/1.519

partem litoreo complectitur Olbia muro.
urbs Libyam contra Tyrio fundata potenti
tenditur in longum Caralis tenuemque per undas
obvia dimittit fracturum flamina collem;
efficitur portus medium mare, tutaque ventis
omnibus ingenti mansuescunt stagna recessu.
hanc omni petiere manu prorisque reductis
suspensa Zephyros expectant classe faventes.

---

Claudian, de bello Gildonico, ed. Maurice Platnauer. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/stoa0089/stoa002/stoa0089.stoa002.perseus-lat2.xml.