# Instructiones 1.20

Commodianus, Instructiones, Poem 1.20. Latin.

Canonical: https://interlinea.aeterna-institute.org/library/latin/commodianus/instructiones/1.20
JSON: https://interlinea.aeterna-institute.org/api/v1/library/latin/commodianus/instructiones/1.20

Titanes uobis tutanos dicitis esse;
Ita Mutas, Tacitas sub culmine uestro rogatis,
Tot Lares aediculis, simulacra facta titano!
Adoratis enim stulti malo leto defunctos,
Non legem ipsorum legentes; non ipsi loquuntur,
Et deos audetis aeramine dicere fusos?
Solueretis eos magis in uascula uobis.

---

Commodianus, Instructiones. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://www.mqdq.it/testo/testo/codice/COMM%7Cins1%7C001.
