Latin
5
Germanicus, Arateorum fragmenta 5
Not analysed yet
Astrorumque globos et sidera maximus Atlans
Protulit in populos, numeris uersutus et omnes
Stellarum motus certa ratione notauit;
Quae Pharii Tyriique uiri commenta sequentes
Aequora uere nouo *uentos et flamina cuncta
Aeolus in partes diuisi rettulit orbis,
Quo premeret Boreas, Notus unde attolleret imbres
Quaque Eurus Zephyrusque domo procederet undis
Et circumpositos armaret in aequora fratres.