Latin · ~3 min
Lines 1.897-1.916
Godfrey of Winchester, Epigrammata 1.897-916
Not analysed yet
Ergo, ne pereat, fiat de divite pauper;
Pauper enim factus ditior esse potest.
CCXXXVII. Locum virtutem non dare .
Non bene viventes, Probe, te fugisse refertur,
Et sine peccato quærere terram hominum.
Sed sine peccato nullam reperire valebis,
Si non absque homine tu reperire velis.
Ibis ad occultos tractus, loca devia mundi;
Peccatum tecum est, conscia culpa comes.
Ut fugias homines, tu te fuge primitus ipsum,
Alterius censor, censor et esto tuus.
Ens inter homines, homines fuge, turpia eorum,
Tu tecum degens, te fuge, facta tua.
CCXXXVIII. Insolentiam esse reprimendam .
Servit inutiliter nisi verbere fractus asellus,
Verbere distracto servit inutiliter.
Verbera si tuleris, furit et lascivit asellus;
Se non agnoscit, verbera si tuleris.
Si requiem dederis, discit non esse quietus,
In requie non est, requiem dederis.
Verbere tonde latus, ne forte tumescat asellus;
Neve reluctetur, verbere tonde latus.