Latin · ~2 min
Lines 1.1240-1.1252
Gwinne, Act II 1.1240-1252
Not analysed yet
rex regni cupidos, vel bonus, opprimit.
princeps, seu bonus est, seu malus, a Iove:
in paenam malus est, in pretium bonus:
patris dextra bonus, laeva manus malus.
ornes, si bonus est; sin malus est, feras.
curae sunt superis, et bonus, et malus.
non fert insidias Iupiter in bonum;
defendit similem, nec iuvat in malum:
nam non est hominum, sed Iovis ultio.
foelix, fida, decens, rara rebellio.
tantis proditio falsa periculis
hinc illinc trepidans et scatet, et patet.
se prodit, properans prodere, proditor. Gwinne Neo-Latin The Latin Library The Classics Homepage