Latin · ~2 min
Poem 3595
Gwinne, Act V.1 3595
Not analysed yet
EPICHARIS, SVBURIUS FLAVIUS, SULPICIUS ASPER, SCEVINUS
EPI. breve, breve tempus, o viri, siquidem viri,
capiatis in re tam gravi: spes ac metus
mittantur: agite, quod agitis: lentum incitet
res ipsa; timidum, quod vir est; omnes, fides.
ego, quia Caesar saepe laetatur mari,
quosdam illigabo ex classe primores duces.
ut potero (et aliqua potero) suppetias feram.
Exit Epicharis.
ASPER mirum putabo, in dispari si par fides
aetate, sexu, genere, fortuna, ordine,
inter mulieres, milites, equites, patres.
Scevine, tu memineris, ut primas feras.
Exeunt Asper et Flavius.
[Actus I, scene 7]