Latin · ~3 min
Poem 4953
Gwinne, Act V.4 4953
Not analysed yet
NERO quin vos, amici, Antonium donec suum
Cleopatra miserum deþet, e vobis pius
aliquis Erotem praestet: exemplum necis
det inferendae? doceat, ut possim mori,
at nemo didicit a malo tantum boni.
saltem Neroni, ut Cassio et Bruto sui,
libertus aliquis commodet fidam manum,
citius, facilius ut cadam: nam quid moror?
Equitum sonitus.
·ppvn mÉ »kupâdvn émfÐ ktÊpow ÙÊata bãllei.
armata manus adventat, ut vivum attrahat.
armata mea me mortuum tradet manus.
heu pereo, qualis artifex! quantus Nero! heu.
EPAPH. non te perimerem; at citius ut pereas, iuvo 4965
Iuvat Epaphroditus. irrumpit centurio.
CEN. ubi Nero? periit?
NERO ecce semianimem, manu
sua peremptum.
CEN. quin adhuc spirans opem
expectet aliquam: penula ad vulnus mea
cruorem inhibeat.
NERO sero. sed an haec est fides?