Latin
Fasti, lines 1.1.804-1.1.814
Hydatius, Fasti 1.1.804-814
Not analysed yet
354 Constantio VII et Constantino [Al. Constantio Gallo] III. His conss. occisus est Constantius Caesar in insula Flanona.
355 Arbetione et Lolliano. His conss. levatus est Julianus Caesar die VIII idus Novembres.
356 Constantio VIII et Juliano Caes. His conss. introierunt Constantinopolim reliquiae apostoli Timothei die kal. Jun.
357 Constantio IX et Juliano Caes. II. His conss. introierunt Constantinopolim reliquiae sanctorum apostolorum Andreae et Lucae, die V non. Mart. ,et introivit Constantius Aug. Romae VI kal. Maias, et edidit XXXV.
358 Datiano et Cereale. His conss. introierunt Constantinopolim legati Persarum die VIII kal. Mart. Ipso anno terraemotus factus, ita ut civitas Nicomedensium funditus versaretur die IX kal. eptemb. ; aliae vero CL civitates partibus vexatae sunt.
359 Eusebio et Hypatio. His conss. natus est Gratianus filius Augusti Valentiniani die XIV kal. Maias: et ipso anno primum processit Constantinopolim praefectus Urbis, nomine Honoratus, die III idus Decemb. 360 Constantino X et Juliano III. His conss. dedicatum est Constantinopoli Dominicum die XV kal. Martias.
361 Tauro et Florentio. His conss. diem functus Constantius Aug. Mopsucrenas in fines Ciliciae Phoeniciae provinciae III non. Novemb. ,et introivit Julianus Aug. Constantinopolim die III idus Decembres.
362 (Aer. Hisp. 400.) Mamertino et Nevitta.
363 Juliano Aug IV et Sallustio. His conss. occisus est Julianus Aug. in bello Persico die VI kal. Julias; et quia apostata a Deo factus est, Christianorum etiam persecutor, occisus est, et levatus est Christianissimus Jovianus Aug. V kalend. Julias.
364 Joviano Aug. et Varro [Al. Varroniano]. His conss. recessit Jovianus Aug. Dadastena die XI kal. Mart. et levatus est Valentinianus Aug. apud Nicaeam die V kal. Mart. Ipso anno levatus est Valens Aug. Constantinopolim, in milliario VII, in tribunali a fratre suo Valentiniano die IV kal. April.
365 Valentiniano et Valente Augg. His conss. mare ultra terminos suos egressum est die XII kalend. Aug. ,et ipso anno latro nocturnus hostisque publicus intra urbem Constantinopolim apparuit die IV kal. Octob.