# Fabulae phaethon

Hyginus, Fabulae, Poem phaethon. Latin.

Canonical: https://interlinea.aeterna-institute.org/library/latin/hyginus/fabvlae/phaethon
JSON: https://interlinea.aeterna-institute.org/api/v1/library/latin/hyginus/fabvlae/phaethon

Phaethon Solis et Clymenes filius cum clam patris currum conscendisset et altius a terra esset elatus, prae timore decidit in flumen Eridanum. Hunc Iuppiter cum fulmine percussisset, omnia ardere coeperunt. Iovis ut omne genus mortalium cum causa interficeret, simulavit se velle extinguere; amnes undique irrigavit omneque genus mortalium interiit praeter Pyrrham et Deucalionem. At sorores Phaethontis, quod equos iniussu patris iunxerant, in arbores populos commutatae sunt.

---

Hyginus, FABVLAE. Text: The Latin Library (thelatinlibrary.com). Changes: HTML markup removed and the text divided into reading sections by Interlinea.
License: The Latin Library terms (https://www.thelatinlibrary.com/about.html). Source: https://www.thelatinlibrary.com/hyginus/hyginus5.shtml.
