Latin · ~1 min
Lines 1.468-1.477
Janus Secundus, Basia 1.468-477
Not analysed yet
Sed me, iure meo libantem mellea labra,
ingratae socium ne prohibete favis.
Non etiam totas avidae distendite cellas,
arescant dominae ne semel ora meae,
basiaque impressans siccis sitientia labris,
garrulus indicii triste feram pretium.
Heu, non et stimulis compungite molle labellum:
ex oculis stimulos vibrat et illa pares.
Credite, non ullum patietur vulnus inultum:
leniter innocuae mella legatis apes.