Latin
Eusebii Pamphili Canon Chronicus
Jerome, Chronicum 4-9
Unproofread scanNot analysed yet
Eumenes frater regis Attali, qui Eumeniam in Phrygia condidit, clarus habetur. f Romani multas colonias deduxerunt. h Secundus liber Machabæorum apud Judaeos hujus temporis gesta continet. Titus Livius tragoediarum scriptor clarus habetur, qui ob ingenii meritum a Livio Salinatorc. cujus liberos erudiebat, libertate donatus est. i Simon præpositus templi Hierosolymorum ad Apollonium Syriae Pboenicis ducem Seleuci confugiens multis ei muneribus repromissis sacerdotium sibi vindicare coepit: quo Seleucus audito Heliodorum mittit ad negotium pervidendum. Qui cum in Judaeam venisset, et inique judicasset, multa perperam gerens, divinis adversum se signis deterretur, et ad Seleucum revertitur, Onias autem sacerdos curaverat ut Simon profugus fieret, ut in Machabaeorum libris narratur.