Latin · ~2 min
Poem ad
Landor, Dry Sticks Fagoted, 1858 ad-10
Not analysed yet
AD PHILIPPUM REGEM, DE NUPTIIS HISPAN:
O Patre nequam gnate (siquis) nequior,
Philippe, quorsum te petat sicarius?
Probine sunt in Gallia sicarii
Soli? aequitatis unici satellites?
At casta certe contigit tibi soror,
Gnataeque castae, nec caret coniux fide,
Utcunque mater esset infami domo:
Atqui neque illud pessimi scortum domus
Neptem alligaret coniugi haudquaquam viro
Adulteramque nuptiis compelleret
Ut furtim Iberum clauderet septo pecus.