Latin · ~2 min
Poem ad
Landor, Dry Sticks Fagoted, 1858 ad-5
Not analysed yet
AD NAPOLEONEM IMPERATOREM
Nunquam sponte virum quassantem sceptra videbo;
Thura ferant alii, non ego thura feram;
Sed foribus propero vivacem obducere laurum,
Verbaque (diis rata sint!) scribere pauca super.
Tolle oculos, lege, Napoleo! confide fideli . .
Unicuique suum redde; suum patria est.
Redde quod abstuleris; da fortibus esse beatis,
Nec fueris magno Napoleone minor.
Deme sacerdotum dextris infame flagellum,
Decute anhelanti Norica fraena Pado;
Haud detrita gemat raptoris curribus Enna,
Haud timeat domini verbera Parthenope.
Dic, Trana maria, Europe! dic, Roma, resurge!
Romuleaeque domus Dacia vive memor.