Latin · ~2 min
Poem quis
Landor, Dry Sticks Fagoted, 1858 quis
Not analysed yet
QUIS TURPIOR
Rege Borussorum quis turpior? Ecce Borussos
Ipsos! perfidiam non renuêre pati.
Vis alios digito monstrem tibi? Respice Gallos,
Omnia quos pariter, praeter honesta, iuvant.
Ecce peregrino qui succubuere tyranno
Et vinxere sacrum deditione ducem,
Quo nemo probior, quo nemo fortior, ergo
Dignus erat manicis, perfide Galle, tuis.
Talia religio suadet Romana, catena
Thuribuli longa fasque nefasque ligat.
Sed cultrum fugiamus; adest pius iste subulcus
Qui veterem putri glande replevit haram.