# Edictum Adversus Latinos Rhetores 1

Leges Rei Publicae, Edictum Adversus Latinos Rhetores, 1. Latin.

Canonical: https://interlinea.aeterna-institute.org/library/latin/leges-rei-publicae/edictum-adversus-latinos-rhetores/1

Cn. Domitius Ahenobarbus L. Licinius Crassus censores ita edixerunt: Renuntiatum est nobis esse homines, qui novum genus disciplinae instituerunt, ad quos iuventus in ludum conveniat; eos sibi nomen imposuisse Latinos rhetoras; ibi homines adulescentulos dies totos desidere. Maiores nostri, quae liberos suos discere et quos in ludos itare vellent, instituerunt. haec nova, quae praeter consuetudinem ac morem maiorum fiunt, neque placent neque recta videntur. Quapropter et iis, qui eos ludos habent, et iis, qui eo venire consuerunt, videtur faciundum, ut ostenderemus nostram sententiam, nobis non placere.

---

Leges Rei Publicae, Edictum Adversus Latinos Rhetores. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/rhetores.html.