urn:cts:latinLit:phi0914.phi001.perseus-lat2, Part 1, Book 4, Chapter 49

auxit eam iram, postquam ab collegis arcessitus propter seditiones tribunicias in urbem revertit, audita vox eius in contione stolida ac prope vecors, qua M. Sextio tribuno plebis legem agrariam ferenti, simul, Bolas quoque ut mitterentur coloni, laturum se dicenti —dignum enim esse, qui armis cepissent, eorum urbem agrumque Bolanum esse —“malum quidem militibus meis” inquit, “nisi quieverint.” quod auditum non contionem magis quam mox patres offendit.