# Periochae 93.1

Livy, Periochae, Book 93. Latin.

Canonical: https://interlinea.aeterna-institute.org/library/latin/livy/periochae/93.1
JSON: https://interlinea.aeterna-institute.org/api/v1/library/latin/livy/periochae/93.1

P. Seruilius procos. in Cilicia Isauros domuit et aliquot urbes piratarum expugnauit. Nicomedes, Bithyniae rex, populum R. fecit heredem regnumque eius in prouinciae formam redactum est. Mithridates foedere cum Sertorio icto bellum populo R. intulit. Apparatus dein regiarum copiarum pedestrium naualiumque; et occupata Bithynia M. Aurelius Cotta cos. ad Calchedona proelio a rege uictus; resque a Pompeio et Metello aduersus Sertorium qui omnibus belli militiaeque artibus par fuit. Ab obsidione Calagurris oppidi depulsos coegerit diuersas regiones petere, Metellum ulteriorem Hispaniam, Pompeium Galliam.

---

Livy, Periochae. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/livy/liv.per.shtml.