# LUPUS PROTOSPATARIUS BARENSIS RERUM IN REGNO NEAPOLITANO GESTARUM BREVE CHRONICON ab Anno Sal. 860 vsque ad 1102 1.101-105

Lupus Protospatarius Barensis, LUPUS PROTOSPATARIUS BARENSIS RERUM IN REGNO NEAPOLITANO GESTARUM BREVE CHRONICON ab Anno Sal. 860 vsque ad 1102, 1.101 to 1.105. Latin.

Canonical: https://interlinea.aeterna-institute.org/library/latin/lupus-protospatarius-barensis/lupus-protospatarius-barensis-rerum-in-regno-neapolitano-gestarum-breve-chronico/1.101

Anno 1041. descendit Dulchianus a Sicilia ivitque Asculum, et mense Martij Arduinus Lambardus convocavit Normannos, in Apulia in Civitate Melfiae, et praedictus Dulchianus fecit proelium cum Normannis, et ceciderunt Graeci, et mense Maij iterum proeliati sunt Normanni fer. IIII. cum Graecis, et fugit Dulchianus in Barum. Anno 1042. venit... mense Augusto, fecitq; bellum cum Normannis 3. die mensis Septembris, et comprehensus est ille ibi, et in Melfiam deportatus est. Et mense Decembris obijt Michael Imper. et elevatus est Caesar Nepos eius nomine Michael Imp. et mense Febr. factus est Argyrus Barensis, Princeps, et Dux Italiae. Et mense Aprilis descendit Maniachus Magister Tarentum, et mense Iunij Monopolim abijtq; ad Civitatem Materam, et fecit ibi grande homicidium, et mense Septembris Gulielmus electus est Comes Materae; et hoc anno depositus est praedictus Caesar Michael a Regno, et excaecatus est, Zoes, et Theodorae sororum iussione, et Constantinus Monomachus factus est Imperator, et 3 die mense Iulij capta est Iuvenaties ab Argyro Duce, et mense Augusti ivit praedictus Argyrus ad obsidionem Trani, seditque super eam mense uno Anno 1043. reversa est Civitas Barum in manus Imp. et mense Septembris descendit Pardus Patricius cum multo auro, quem Maniaches fecit occidi, seque Imp. ab omnibus appellari, et mense Octobris venit Barum, minimeque illum recepit. Mense vero Februaij descendit Theodorus Canus Magister, et Catapanus, et Maniaches praedictus perrexit Dyrrachium. Anno 1044. Guillelmus filius Tancredi descendit cum Guarimari Principe in Calabriam, feceruntq; ipsum Squillacij Castellum. Anno 1046. perrexit Argyrus Patricius Constantinopolim, et Palatinus Catapanus, qui et Eustasius, revocavit omnes exiliatos ad Barum, perrexitque Tarentum, et 8. die in Trano mense Maij commisit proelium cum Normannis, et ceciderunt Graeci, et hoc anno venit Conus Rex Alemannorum Romam, eo quod erant ibi tres Pontifices, Sylvester in Ecclesia S. Petri: in Laterano, Gregorius; et Benedictus in Tusculano, quibus eiectis confirmatus est ibi Papa nomine Clemens a praedicto Imperatore; deinde dictus Imp. venit Beneventum, Beneventani vero ad eius iniuriam absciderunt strenuitas equi eius, hoc etiam anno obijt Guidelmus, et frater eius Drogo factus est Comes.

---

Lupus Protospatarius Barensis, LUPUS PROTOSPATARIUS BARENSIS RERUM IN REGNO NEAPOLITANO GESTARUM BREVE CHRONICON ab Anno Sal. 860 vsque ad 1102. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/protospatarius.shtml.