Latin
Poem 369
Luxurius, Carmina 369
Not analysed yet
Constructas inter moles parietibus altis
hortus amoenus inest aptior et domino.
hic uario frondes uitales semine crescunt,
in quibus est genio praemedicante salus.
nil Phoebi Asclepique tenet doctrina parandum:
omnibus hinc morbis cura sequenda placet.
iam puto, quod caeli locus est, ubi numina regnant,
cum datur his herbis uincere mortus onus.